Ecc 6 | Ndebele | STEP | Kukhona ububi esengibubonile ngaphansi kwelanga, njalo buvamile ebantwini :

Ecclesiastes 6

1 Kukhona ububi esengibubonile ngaphansi kwelanga, njalo buvamile ebantwini ^a: 2 Umuntu ^b uNkulunkulu amnike ^c inotho ^d lengcebo ^e lodumo ^f ukuze angasweleli umphefumulo wakhe ulutho kukho konke akufisayo, kodwa uNkulunkulu angamniki amandla ukuthi adle kukho, kodwa owemzini uyakudla; lokhu kuyize, njalo kuyisifo esibi ^g.

3 Uba umuntu ezala abantwana abalikhulu, aphile iminyaka eminengi, ukuze insuku zeminyaka yakhe zibe zinengi ^h, kodwa umphefumulo wakhe ungasuthiswa ngokuhle ⁱ, futhi angabi lakungcwatshwa ^j, ngithi umphunzo ungcono kulaye ^k. 4 Ngoba uza ngeze, uye emnyameni, lebizo lawo lisitshekelwe emnyameni ^l; 5 futhi kawulibonanga ilanga, kawulalwazi; lo ulokuphumula kulaye ^m. 6 Yebo, lanxa ephila iminyaka eyinkulungwane, ephindwe kabili ⁿ, kanti engabonanga okuhle ^o; bonke kabayi yini endaweni eyodwa ^p?

7 Wonke umtshikatshika womuntu ngowomlomo wakhe ^q, kube kanti inkanuko kayisuthi ^r. 8 Ngoba ohlakaniphileyo ulani okwedlula isithutha? Ulani umyanga owazi ukuhamba phambi kwabaphilayo ^s? 9 Kungcono ukubona kwamehlo kulokuzulazula ^{▼▼ ukuzulazula: Heb ukuhamba.} kwenkanuko ^u. Lokhu lakho kuyize lokukhathazeka komoya ^v.

10 Osekukhona ^w sekuke kwathiwa ibizo lakho ^x, njalo kuyaziwa ukuthi kungumuntu, lokuthi kalakho ukuphikisana ^y lolamandla kulaye ^z. 11 Ngoba zinengi izinto ezandisa ize; kuyinzuzo bani emuntwini ^aa? 12 Ngoba ngubani okwaziyo okulungele umuntu empilweni, enanini lensuku zempilo yakhe eyize ayichitha njengesithunzi ^ab? Ngoba ngubani ongatshela umuntu ^ac lokho okuzakuba khona emva kwakhe ngaphansi kwelanga ^ad?